Bishkektegi ushaq apaty: áýe kompanııasy lıtsenzııasynan aıyryldy
ASTANA.KAZINFORM - 7 shildede Bishkek-Osh reısin oryndaıtyn Tez Jet ushaǵy «Manas» halyqaralyq áýejaıynda tótenshe jaǵdaıǵa tap boldy, dep habarlaıdy Kazinform agenttiginiń Bishkektegi tilshisi.
Qyrǵyzstan áýejaılarynyń málimetinshe, oqıǵadan keıin Qyrǵyzstan Respýblıkasynyń Memlekettik azamattyq avıatsııa agenttigi oqıǵanyń mán-jaıyn resmı tergeýdi bastady. Sonymen qatar Tez Jet jumysyna jospardan tys tekserý júrgizildi.
- Tekserý barysynda ushý qaýipsizdigine tikeleı áser etetin Qyrǵyzstan avıatsııa zańnamasynyń eleýli buzýshylyqtary anyqtaldy. Osy buzýshylyqtardyń negizinde Memlekettik azamattyq avıatsııa agenttigi Tez Jet lıtsenzııasyn qaıtaryp alý týraly sheshim qabyldady, - delingen málimdemede.
Buǵan deıin «Manas» áýejaıynda TezJet ushaǵy apatqa ushyraǵanyn habarlaǵan edik.
Bortta 181 jolaýshy jáne alty ekıpaj múshesi bolǵan. Zardap shekkender joq.
Keıin Qyrǵyzstan bıligi «Manas» áýejaıyndaǵy apatqa qatysty túsinik berdi.
