Bishkektegi ShYU sammıti Afrıka elderimen dıalogty keńeıtedi
ASTANA. KAZINFORM –Afrıka memleketteriniń ókilderi Bishkekte ótetin Shanhaı yntymaqtastyq uıymynyń (ShYU) sammıtine qatysady. Bul týraly Afreepress habarlaıdy.
Bishkektegi sammıt ShYU-nyń Afrıka memleketterimen jáne Afrıka odaǵymen yntymaqtastyǵyn odan ári keńeıtýge múmkindik beredi.
Shaqyrylǵan qonaqtardyń qatarynda Togo Mınıstrler keńesiniń tóraǵasy For Essozımna Gnassıngbe bar.
Togonyń sammıtke qatysýynyń mańyzy zor.
Togo men Mysyr osy kezdesýge shaqyrylǵan Afrıka memleketteriniń qatarynda.
Bul Afrıka elderine jahandyq basqarý júıesin damytý jáne kópjaqty yntymaqtastyqty nyǵaıtý máseleleri boıynsha óz ustanymyn bildirýge múmkindik beredi.
Sammıt aıasynda terrorızmmen, zorlyq-zombylyq sıpatyndaǵy ekstremızmmen jáne kıberqylmyspen kúres máseleleri talqylanady.
Sonymen qatar ınfraqurylymdy damytý, memleketter arasyndaǵy baılanystardy kúsheıtý jáne qarjylyq yntymaqtastyqtyń jańa tetikterin qalyptastyrý máseleleri qarastyrylady.
For Essozımna Gnassıngbe jahandyq Ońtústik elderi úshin ózekti máselelerdi de kóteredi dep kútiledi.
Olardyń qatarynda Afrıka qurlyǵyndaǵy qaýipsizdik máseleleri men gýmanıtarlyq syn-qaterler bar.
Aıta keteıik, Qasym-Jomart Toqaev Qyrǵyzstan Prezıdenti Sadyr Japarovtyń shaqyrýymen Shanhaı yntymaqtastyq uıymyna múshe memleketter basshylary keńesiniń 26-otyrysyna jáne «ShYU+» formatyndaǵy kezdesýge qatysý úshin Bishkek qalasyna jumys saparymen bardy.
