Bishkektegi mıtıngiden keıin Pákistan azamattary qazaq shekarasyn kesip ótpek boldy

ASTANA. KAZINFORM – «Vasılevka» shekara zastavasynyń jaýapty aýmaǵynda túngi reıd barysynda Qyrǵyzstannyń Qazaqstanmen memlekettik shekarasyn zańsyz kesip ótpek bolǵan Pákistannyń alty azamaty ustaldy. Bul týraly eldiń Ulttyq qaýipsizdik komıteti habarlady, dep jazady 24.kg. 

Memlekettik shekarany zańsyz kesip ótý áreketine qatysty qylmystyq is qozǵaldy.

Sheteldik azamattar Bishkek qalalyq ishki ister basqarmasynyń ýaqytsha ustaý ızolıatoryna qamaldy.

Esterińizge sala keteıik, 17 mamyr kúni keshke Bishkekte sheteldikterge qarsy bastalǵan narazylyq tek 18 mamyr kúni tańerteń aıaqtaldy.

Polıtseıler sherýge shyqqandarmen kelisimge kelip, olar Shý dańǵylyn ashyp, sálden soń tarap ketti.

13 mamyrda hostelde bolǵan tóbelesten keıin tártip saqshylary mysyrlyq tórt azamatty ustady.

Qyrǵyzstan Respýblıkasy Qylmystyq kodeksiniń «buzaqylyq» baby boıynsha qylmystyq is qozǵaldy.