Bishkektegi qarttar úıindegi órtten zardap shekkenderge donor qany qajet
ASTANA. KAZINFORM — Bishkektegi qarttar úıinde bolǵan órtke baılanysty Respýblıkalyq qan ortalyǵy zardap shekkenderge medıtsınalyq kómek kórsetý úshin donor qorynyń shuǵyl tolyqtyrylýy qajet ekenin habarlady. Bul týraly Kabar jazdy.
Ortalyqtyń málimetinshe, mereke kúnderi donor qanynyń tapshylyǵy dástúrli túrde kúsheıedi. Sebebi kóptegen donor demalysqa ketip, qan tapsyrý pýnktterine sırek keledi, al qanǵa degen suranys kerisinshe azaımaı, arta túsedi.
— Kómek kórsetkisi keletin azamattar Bishkek qalasy, Shyńǵys Aıtmatov dańǵyly, 60 mekenjaıyna júginýine bolady. Mereke kúnderindegi jumys kestesi: 7, 8 jáne 9 qańtar — saǵat 08:00–den 14:30–ǵa deıin. Ózińizben birge jeke basyńyzdy kýálandyratyn qujat bolýy qajet. Qan tapsyrardyń aldynda jáne sol kúni maıly, qýyrylǵan jáne sút ónimderin taǵamnan alyp tastaý kerek, — delingen habarlamada.
Respýblıkalyq qan ortalyǵy beıjaı qaramaıtyn azamattardy zardap shekkenderge qoldaý kórsetip, adam ómirin saqtaýǵa óz úlesin qosýǵa shaqyrady.
Eske salsaq, 6 qańtarda Bishkektegi qarttar úıinde órt shyǵyp, eki adam qaza tapty.