Bishkektegi qarttar úıinde órt shyǵyp, eki adam qaza tapty

BІShKEK. KAZINFORM — Bishkek qalasynyń Pervomaı aýdanynda, Abaı kóshesinde ornalasqan qarttar úıinde órt shyqqany týraly aldyn ala aqparat tústi, dep jazdy Kabar agenttigi.

Órtti aýyzdyqtaýǵa 4 órt sóndirý jasaǵy men jedel shtab jumyldyrylǵan. Qazirgi ýaqytta órt oqshaýlanǵan, tolyqtaı sóndirý jumystary jalǵasyp jatyr. Ǵımarattan 15 adam evakýatsııalandy, eki adam kóz jumdy.

— Qosymsha aqparat keıinirek beriledi, — delingen habarlamada.

Eske sala keteıik, buǵan deıin Indonezııada qarttar úıindegi órtten 16 adam qaza tapqan bolatyn.

Al sáýir aıynda Qytaıda qarttar úıindegi órtten 20 adam mert boldy.