Bishkektegi Kardıohırýrgııa ınstıtýtynan iri órt shyǵyp, adamdar qaza boldy

ASTANA. KAZINFORM – 11 aqpan kúni keshke Qyrǵyzstan astanasyndaǵy Kardıohırýrgııa ǵylymı-zertteý ınstıtýtynan (ǴZI) órt shyqty, dep habarlaıdy Kabar aqparat agenttigi.

Eldiń Tótenshe jaǵdaılar mınıstrliginiń málimetinshe, saǵat 21:07-de órtti sóndirýge 6 órt sóndirý brıgadasy, eki órt baspaldaǵy jáne bir dron jumyldyrylǵan. Órt saǵat 22:33-te oqshaýlanyp, 23:15-te tolyǵymen sóndirildi. 

Órt kezinde Kardıohırýrgııa ınstıtýtynyń jansaqtaý bóliminde jatqan eki naýqas qaza tapty. Bul týraly Densaýlyq saqtaý mınıstri Erkın Checheıbaev habarlady. 

Onyń aıtýynsha, órt jertóleden shyqqan, ǵımaratqa tútin kirgen.

- Jansaqtaý bóliminde otadan keıin ókpeni jasandy jeldetý qurylǵysana qosylǵan naýqastar boldy. Órt saldarynan naýqastardy kardıologııalyq ortalyqtyń kórshiles ǵımaratyna evakýatsııalaý bastaldy, biraq reanımatsııalyq sharalarǵa qaramastan eki naýqas qaıtys boldy. Qazirgi kezde kardıologııalyq ortalyqtyń jansaqtaý bóliminde eki eresek naýqas pen jeti bala jatyr. Barlyq tıisti is-sharalar qabyldanyp jatyr, - dedi mınıstr.

Qyrǵyzstan Respýblıkasy Mınıstrler kabınetiniń tóraǵasy - Prezıdent ákimshiliginiń basshysy Adylbek Qasymalıev 11 aqpan kúni keshke Bishkektegi Kardıohırýrgııa ǵylymı-zertteý ınstıtýtynda (QǴZI) bolǵan órtke baılanysty jaǵdaıdy erekshe baqylaýǵa aldy. 

Eske salsaq Qyrǵyzstan oń rýldi kólikterdiń Bishkekke kirýine tyıym salmaqshy.