Bishkekte Jeńistiń 80 jyldyǵyna arnalǵan áskerı parad ótip jatyr
ASTANA. KAZINFORM — Búgin Ala-Too ortalyq alańynda Ekinshi dúnıejúzilik soǵystaǵy Jeńistiń 80 jyldyǵyna arnalǵan saltanatty áskerı parad ótip jatyr, dep habarlaıdy KAVAR.
Qyrǵyz Respýblıkasynyń Prezıdenti – Qarýly Kúshterdiń Bas qolbasshysy Sadyr Japarov Jeńis alańynda ótken mıtıng-rekvıemge qatysty.
Memleket basshysy Máńgilik alaýǵa gúl shoǵyn qoıyp, Ekinshi dúnıejúzilik soǵysta qaza tapqandardy bir mınýt únsizdikpen eske aldy.
Qazirgi ýaqytta Bishkek garnızonynyń áskerı parady ótip jatyr.
Eske salsaq, keshe elordadaǵy «Qazaq Eli» alańynda Memleket basshysy — Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaevtyń qatysýymen Uly Jeńistiń 80 jyldyǵyna arnalǵan áskerı parad ótti.
Kazinform Qazaqstanda Jeńistiń 80 jyldyǵyna arnalǵan áskerı paradynan fotoreportaj usynady.