Bishkekte jappaı fast-fýdtan ýlanǵandar anyqtaldy
ASTANA.KAZINFORM — Qyrǵyzstan astanasyndaǵy fast-fýd dúkeninde jappaı tamaqtan ýlaný oqıǵasy tirkeldi, dep habarlaıdy Kazinform agenttigi.
Qyrǵyzstan Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý departamentiniń málimetinshe, el astanasynda tórt balany qosa alǵanda, 17 adam zardap shekti. Olardyń bári bir kún buryn fast-fýd dúkeninen shaýrma satyp alǵan.
Barlyq zardap shekkenderge qajetti medıtsınalyq kómek kórsetildi. On úsh adam Respýblıkalyq klınıkalyq juqpaly aýrýlar aýrýhanasynda statsıonarlyq emdeýde, al tórteýi ambýlatorııalyq kómek alyp jatyr.
Bishkek memlekettik sanıtarlyq-epıdemıologııalyq qadaǵalaý ortalyǵynyń mamandary tamaqtandyrý mekemesine jospardan tys tekserý júrgizip, zerthanalyq tekserý úshin ıngredıentter men ónim qaldyqtarynyń úlgilerin jınady. Anyqtalǵan buzýshylyqtar úshin fast-fýd dúkeni jabylyp, 41 000 som aıyppul salyndy.
Epıdemıologııalyq tergeý jalǵasyp jatyp.
Buǵan deıin Bishkektegi mektep ashanasynda tamaqtan ýlaný oqıǵasy tirkelgen bolatyn.