Bishkekte VI Dúnıejúzilik kóshpendiler oıyndarynyń ashylý jáne jabylý saltanaty ótedi

BІShKEK. KAZINFORM — VI Dúnıejúzilik kóshpendiler oıyndarynyń ashylý jáne jabylý saltanaty Qyrǵyzstan astanasynda 2026 jyldyń kúzinde ótedi, dep habarlaıdy Kazinform menshikti tilshisi.

DKO hatshylyǵynyń basshysy Nursultan Adenov «Bırınchı radıo» efırinde VI Dúnıejúzilik kóshpendiler oıyndaryna daıyndyq barysy týraly baıandady.

— 2026 jylǵy VI Dúnıejúzilik kóshpendiler oıyndaryna daıyndyq aldyn ala bastaldy. Uıymdastyrý komıteti quryldy, onyń quramyna barlyq mınıstrliktiń ókilderi kiredi. Іs-sharalardyń ázirlengen josparyna sáıkes, Oıyndar 2026 jyldyń qyrkúıek aıynyń basynda bastalady dep josparlanǵan. Búginde álemniń 100 eline shaqyrý jiberildi. Jaqyn arada VI Dúnıejúzilik kóshpendiler oıyndarynyń jańa saıtyn ázirleý aıaqtalady, onda is-shara týraly tolyq aqparat birneshe shet tilinde ornalastyrylady. Oıyndar ereksheligi — olardyń ashylý jáne jabylý saltanaty 51 myń kórermendi syıdyra alatyn qalalyq «Bishkek Arena» stadıonynda ótedi. Odan keıin barlyq sporttyq jáne mádenı shara tıisti ınfraqurylymy bar Ystyqkól óńirinde jalǵasady, — dep habarlady ol. 

Nursultan Adenovtyń aıtýynsha, qazirdiń ózinde kúres, at sporty, zııatkerlik jáne ulttyq oıyndardyń birneshe túrin qamtıtyn sporttyq baǵdarlama quryldy.

Budan buryn Qyrǵyzstanda ótetin dúnıejúzilik kóshpendiler oıyndary tiziminen qazaq kókpary alynyp tastaldy degen aqparat tarady. 

Astanada 2024 jyly ótken V Dúnıejúzilik kóshpendiler oıyny nesimen este qalǵanyn kelesi materıaldan oqı alasyz.