Bishkekte Ulttyq shahmat akademııasy ashyldy
ASTANA. KAZINFORM- Ulttyq shahmat akademııasy halyqaralyq deńgeıdegi sportshylardy daıarlap, talantty jastardy qoldaýmen aınalysady, dep habarlaıdy Kabar.
Akademııanyń ashylý rásimine Qyrǵyzstan Mınıstrler kabınetiniń tóraǵasy – Prezıdent Ákimshiliginiń basshysy Ádilbek Qasymalıev qatysty.
Jańa uıym jas shahmatshylardy oqytyp, daıarlaýǵa, jattyǵýlar men jarystar ótkizýge arnalǵan alań bolady. Akademııanyń negizgi mindetteriniń biri – halyqaralyq deńgeıdegi sportshylardy júıeli túrde daıarlaý, sondaı-aq talantty jastardy anyqtap, qoldaý.
Rásim barysynda Ádilbek Qasymalıev jas sportshylardyń oqý-jattyǵýyna jasalǵan jaǵdaımen tanysyp, olardyń ata-analarymen áńgimelesti.
Ol qazirgi ýaqytta Qyrǵyzstannyń 500 mektebinde 3–5 synyp oqýshylaryna arnalǵan «Mektepterdegi shahmat» jobasy pılottyq rejımde júzege asyrylyp jatqanyn atap ótti.
— Búgin Ulttyq shahmat akademııasy óz jumysyn bastady. Onyń talantty shahmatshylardy daıarlaıtyn mańyzdy ortalyqqa aınalyp, Qyrǵyzstandy halyqaralyq arenada laıyqty tanyta alatyn sportshylardyń jańa býynyn qalyptastyrýǵa yqpal etetinine senimdimin, – dedi Ádilbek Qasymalıev.
Rásim sońynda Mınıstrler kabınetiniń basshysy ortalyq shahmat taqtasynda alǵashqy júristi jasap, akademııanyń jumysyna resmı túrde bastap berdi.
Ulttyq shahmat akademııasyn qurý týraly Jarlyqqa Qyrǵyzstan Prezıdenti Sadyr Japarov bıyl 4 qyrkúıekte qol qoıǵan.
Osyǵan deıin Mońǵolııa mektepteriniń oqý baǵdarlamasyna shahmat engiziletini týraly jazdyq.
