Bishkekte ShYU qorǵanys mınıstrleriniń keńesi bastaldy
BІShKEK. KAZINFORM — Bishkekte ShYU elderi qorǵanys vedomstvolarynyń basshylary batyrlardy eske aldy. Bul týraly Qorǵanys mınıstrliginiń baspasóz qyzmeti málim etti.
Qyrǵyzstannyń astanasynda Shanhaı yntymaqtastyq uıymy elderi qorǵanys mınıstrleriniń keńesi ótip jatyr. Oǵan Belarýs, Úndistan, Qazaqstan, Qytaı, Qyrǵyzstan, Pákistan, Reseı, Tájikstan, Ózbekstan qorǵanys vedomstvolarynyń basshylary, odan ózge Iran Qorǵanys mınıstriniń orynbasary jáne ShYU Bas hatshysy qatysýda.
Keńes baǵdarlamasy sheńberinde olar Jeńis alańyndaǵy Máńgilik alaýǵa gúl shoqtaryn qoıdy.
Shanhaı yntymaqtastyq uıymy (ShYU) — 2001 jyly «Shanhaı bestigi» (1996–1997 jj.) negizinde aımaqtyq qaýipsizdikti nyǵaıtý maqsatynda qurylǵan halyqaralyq uıym.
Uıym quramyna 10 memleket kiredi: Qyrǵyzstan, Qytaı, Reseı, Qazaqstan, Tájikstan, Ózbekstan, Úndistan, Pákistan, Iran jáne Belarýs.
Baqylaýshy memleketter: Aýǵanstan jáne Mońǵolııa.
Dıalog boıynsha seriktester: 15 memleket.
Aıta keteıik, Shanhaı yntymaqtastyǵy uıymy Irandaǵy jaǵdaıǵa baılanysty málimdeme jasaǵan bolatyn.