Bishkekte sheteldik týrıster úshin qala salyǵyn engizý usynyldy

Qyrǵyzstan astanasy sheteldik týrıster úshin qala salyǵyn engizýdi usynyp otyr. Bishkek qalalyq máslıhatynyń kezekti sessııasynda depýtat Toqtosyn Sultanov osyndaı usynys aıtty, dep habarlaıdy Kazinform.

Depýtattyń aıtýynsha, mundaı tájirıbe shet elderde bar, qonaqúılerde týrısterden qalalyq tólem (city fee) alynady. T.Sultanov Qyrǵyzstan astanasynyń ákimi Aıbek Júnýshalıevten bul máseleni mınıstrler kabıneti deńgeıinde kóterýdi surady. Túsken qarjyny týrıstik nysandardy qoldaýǵa paıdalaný usynyldy.

– Alynǵan qarajat qalaǵa qosymsha tabys bolady. Sonymen qatar, Bishkekke keletin týrısterdiń sanyn biletin bolamyz. Osy kiristerdiń negizinde shyǵyndardy josparlap, keıinnen alynǵan qarajatty jóndeýge, eskertkishterdi abattandyrýǵa, sheteldik týrısterdiń demalysyn uıymdastyrýǵa jumsaýǵa bolady, - dedi depýtat.