Bishkekte ótken Azııa chempıonatynda Azamat Dáýletbekov kúresten qola júlde aldy
ASTANA. KAZINFORM – Qyrǵyzstan astanasy Bishkek qalasynda ótip jatqan kúres túrlerinen Azııa chempıonatynda qazaqstandyq sportshy Azamat Dáýletbekov qola júldege qol jetkizdi.
92 keli salmaqta úshinshi oryn úshin beldesýde japondyq Takashı Isıgýromen kezdesti.
Dáýletbekov úziliske deıin birneshe nátıjeli júris jasap, 6:0 esebimen alǵa shyqty.
Ekinshi kezeńde eki sportshy da upaı ala almady. Osylaısha Azamat Dáýletbekov beldesý qorytyndysy boıynsha jeńiske jetip, Qazaqstan qorjynyna qola medal saldy.
Aıta keteıik, buǵan deıin 86 keli salmaqta qola júlde úshin beldesýde Bolat Saqaev Hıdır Saıpýdınovke (Bahreın) ese jibergen bolatyn.
Bqdan buryn erkin kúres sheberi Azamat Dáýletbekovtiń Azııa chempıonatynyń fınalyna shyǵý úshin kúresetinin jazǵan edik.
