Bishkekte ótetin kúres túrlerinen Azııa birinshiligine kimder qatysady
ASTANA. KAZINFORM – Sanaýly kúnderden keıin Bishkek qalasynda kúres túrlerinen Azııa chempıonaty bastalady. Baıraqty básekede qurlyqtyń úzdik balýandary bas qosyp, ózara myqtyny anyqtamaq. Qazaqstan quramasy da jarystan tys qalmaı, birneshe salmaqta júldege talasady. Alaıda bıyl ulttyq quramanyń birqatar negizgi kóshbasshylary jarysqa qatyspaıdy.
Azııa chempıonaty araǵa eki jyl salyp qaıtadan Bishkekte ótpek. Buǵan deıin Qyrǵyzstan astanasy 2018 jáne 2024 jyldary da qurlyq birinshiligin qabyldaǵan. Bıylǵy dodaǵa shamamen 350-ge jýyq balýan qatysady dep kútilýde. Bul jarystyń joǵary deńgeıde ótetinin ańǵartady.
Erkin kúreske kelsek, ulttyq quramanyń birneshe jetekshi balýany bul joly jarysty ótkizip alady. Atap aıtqanda, Rızabek Aıtmuhan, Nurqoja Qaıpanov, Asyljan Esengeldi syndy tájirıbeli sportshylar tizimge enbegen.
Qazaqstan quramasy:
57 kg deıin – Mereı Bazarbaev
61 kg deıin – Asyl Aıtaqyn
65 kg deıin – Adı Serikuly
70 kg deıin – Sanjar Dosjanov
74 kg deıin – Ernur Nurǵazy
79 kg deıin – Dáýlet Ergesh
86 kg deıin – Bolat Saqaev
92 kg deıin – Azamat Dáýletbekov
97 kg deıin – Bekzat Úrkimbaı
125 kg deıin – Edige Qasymbek
Soǵan qaramastan, júldege úmitker balýandar jetkilikti. Máselen, Asyl Aıtaqyn 2024 jyly dál osy Bishkekte ótken Azııa chempıonatynda kúmis júlde jeńip alǵan.
Sanjar Dosjanov 2023 jyly Azııa chempıony atansa, Bolat Saqaev sol jyly altyn, 2025 jyly kúmis medal enshilegen.
Al Azamat Dáýletbekov qurlyq birinshilikterinde turaqty nátıje kórsetip kele jatqan tájirıbeli balýan.
Jarystyń deńgeıi óte joǵary bolmaq. Erkin kúreste Olımpıada chempıony Ahmed Tajýdınov, sondaı-aq Amır Alı Azarpıra, Aman Sehravat syndy myqtylar favorıt sanalady.
Grek-rım kúresinde de ulttyq quramanyń negizgi kóshbasshylary qatarda joq. Atap aıtqanda, Demeý Jadraev, Aıdos Sultanǵalı, Erjet Jarylqasyn jarysqa qatyspaıdy.
Qurama sapynda:
55 kg deıin – Nurzat Qabdyrahımov
60 kg deıin – Erbol Kamalıev
63 kg deıin – Saıfýlla Qurman
67 kg deıin – Baǵdat Sabaz
72 kg deıin – Almatbek Amanbek
77 kg deıin – Qaharman Qısymetov
82 kg deıin – Ibragım Magomadov
87 kg deıin – Nursultan Tursynov
97 kg deıin – Islam Evloev
130 kg deıin – Djohar Ýzarov
Bul synda da tájirıbeli sportshylar bar. Máselen, Ibragım Magomadov 2023 jyly Azııa chempıony atansa, Nursultan Tursynov 2024 jyly kúmis júldeger bolǵan.
Al basty favorıtterdiń qatarynda Olımpıada chempıony Hadı Saravı jáne Aqjol Mahmýdov bar.
Áıelder kúresinde de tartys joǵary deńgeıde ótpek. Bul joly Elmıra Syzdyqova jarysqa qatyspaıdy. Degenmen qurama sapy tájirıbeli jáne jas balýandarmen tolyqqan.
Qurama:
50 kg deıin – Maral Táńirbergenova
53 kg deıin – Zeınep Baıanova
55 kg deıin – Shuǵyla Ómirbek
57 kg deıin – Nılýfar Raımova
59 kg deıin – Vıktorııa Hýsaınova
62 kg deıin – Tynys Dúbek
65 kg deıin – Aıjan Sýıdýova
68 kg deıin – Elena Shalygına
72 kg deıin – Jámılá Baqbergenova
76 kg deıin – Gúlmaral Erkebaeva
Jámılá Baqbergenova – tórt dúrkin Azııa chempıony, al Elena Shalygına – Olımpıadanyń qola júldegeri.
Sonymen qatar, jas balýan Shuǵyla Ómirbek te joǵary nátıje kórsetýge nıetti.
Bul synda Olımpıada chempıony ıÝı Sýsakı, sondaı-aq Meerım Jýmanazarova sııaqty myqtylar da baq synaıdy.
Jalpy, Bishkektegi Azııa chempıonatynda joǵary deńgeıdegi báseke kútilýde. Qazaqstan quramasy negizgi kóshbasshylarynsyz qatysqanymen, jas ári jigerli balýandar úshin bul úlken múmkindik.
Bul jarys tek júlde úshin ǵana emes, ulttyq quramadaǵy oryndy bekitý jolyndaǵy mańyzdy synaq bolmaq.
Aıta keteıik, qurlyq birinshiligi 6-12 sáýir aralyǵynda ótedi.
Eske salaıyq, elimizden 18 sportshy 2026 jylǵy jasóspirimder Olımpıadasyna shaqyrtý aldy.
