Bishkekte ótetin EAEO otyrysynda úkimet basshylary qandaı máselelerdi talqylaıdy

Qyrǵyzstan Syrtqy ister mınıstrligi ekonomıkalyq dıplomatııa departamenti dırektorynyń orynbasary Nurlan Arıpov brıfıng barysynda Eýrazııa úkimetaralyq keńesi (EAEO) otyrysynyń kún tártibine toqtaldy, dep habarlaıdy Kazinform bul týraly Kabar agenttigine silteme jasap.

Onyń aıtýynsha, 26 qazanda EAEO elderi úkimet basshylarynyń kezdesýi ótip, kún tártibinde 30-ǵa jýyq másele qaralady.

Onyń ishinde:

— 2030-2045 jyldar aralyǵyndaǵy EAEO sheńberindegi ıntegratsııalyq protsesterdiń negizgi baǵyttary;
— EAEO jumys máseleleri;
— EAEO reıtıng agenttigin qurý máselesi;
— ónerkásip salasynda kooperatsııa jobalaryn jasaý.

Otyrys qorytyndysy boıynsha birqatar qujattar paketine qol qoıý josparlanyp otyr.