Bishkekte Ortalyq Azııa memleketteri syrtqy ister vıtse-mınıstrleriniń XIII kezdesýi ótip jatyr
Qyrǵyzstan astanasynda Ortalyq Azııa elderi SІM basshylary orynbasarlarynyń XIII dástúrli kezdesýi bastaldy. Ony Ortalyq Azııaǵa arnalǵan aldyn alý dıplomatııasy boıynsha BUU Aımaqtyq ortalyǵy men Qyrǵyz Respýblıkasynyń SІM birlesip uıymdastyrdy, dep habarlaıdy Kazinform agenttiginiń tilshisi.
Іs-sharaǵa Ortalyq Azııa elderi delegatsııalary, BUU-nyń Ortalyq Azııa boıynsha bas hatshysynyń ókili Kaha Imnadze, BUU bas hatshysynyń arnaıy ókili – Aýǵanstanǵa kómek kórsetý mıssııasynyń basshysy Roza Otýnbaeva, Nıý-Iorktegi BUU hatshylyǵynyń jaýapty ókilderi qatysyp jatyr.
Qyrǵyz Respýblıkasynyń syrtqy ister mınıstri Jeenbek Kýlýbaev óziniń sálemdesý sózinde qazir halyqaralyq qatynastarda áseri uzaqqa baratyn, onyń ishinde OA óńiri úshin de mańyzdy oqıǵalar bolyp jatqanyn atap ótti.
Osyǵan baılanysty Ortalyq Azııa elderiniń bári bolashaǵymyzdyń baılanysyn, únemi saıası dıalogqa kelý, saıası, saýda-ekonomıkalyq, mádenı-gýmanıtarlyq jáne qaýipsizdik salalarynda seriktestikti damytý mańyzdy ekenin túsinip otyr.
QR SІM basshysy OA memleket basshylarynyń Konsýltatıvtik kezdesý formatyn mysal retinde keltirip, 2022 jyly tórtinshi otyrysynda dostyq, adal kórshilestik jáne XXI ǵasyrda OA-ny damytý maqsatyndaǵy seriktestik týraly Sholpan Ata kelisimine qol qoıylǵanyn eske saldy.
Qyrǵyzstannyń syrtqy saıasat vedomstvosynyń jetekshisi Ortalyq Azııaǵa arnalǵan aldyn alý dıplomatııasy boıynsha BUU Aımaqtyq ortalyǵy baǵdarlamalyq qyzmetine qoldaý bildirip, onyń basshysy K.Imnadzeni OA elderi arasyndaǵy dıalog pen senimdi nyǵaıtýǵa, sonymen qatar máselelerdiń sheshimin taýyp, týyndaýy múmkin qaýip-qaterdi boldyrmas úshin jumysty jandandyrýǵa shaqyrdy.
QR SІM basshysy Aýǵanstandaǵy jaǵdaıǵa erekshe toqtaldy. Aýǵanstanda beıbitshilik pen turaqtylyqty ornatý óńir qaýipsizdigi men órkendeýinde mańyzdy rólge ıe ekenin eskere otyryp, J.Kýlýbaev OA memleketterin Aýǵanstan baǵytynda ortaq áreket men úılesimdilikti nyǵaıtýdy usyndy. Sonymen qatar ol BUU-nyń Aýǵanstanǵa kómek kórsetý mıssııasyn qoldaıtynyn bildirip, BUU-nyń Aýǵanstan boıynsha bas hatshylyǵynyń ókili Roza Otýnbaevaǵa alǵys aıtty.
