Bishkekte ómir boıyna sottalǵan azamattyń kartınalary bir saǵatta satylyp ketti
ASTANA. KAZINFORM — Bishkektegi S.A. Chýıkov atyndaǵy kórkemsýret galereıasynda Memlekettik jazalardy oryndaý qyzmetiniń №19 mekemesinde ómir boıyna bas bostandyǵynan aıyrylǵan Vıacheslav Abdrashıtovtyń «Jan dúınó jańyrygy» atty jeke kórmesi ashyldy. Bul týraly Kabar agenttigi jazdy.
Kórmege sýretshiniń 20 týyndysy qoıylǵan. Kórme bastalǵan alǵashqy saǵattyń ózinde olardyń 15-i satylyp ketken. Bul kelýshilerdiń avtor shyǵarmashylyǵyna qyzyǵýshylyǵy joǵary ekenin kórsetedi.
Kórmeniń ashylý rásimine memlekettik organdardyń ókilderi, shyǵarmashylyq qaýym, azamattyq qoǵam músheleri, buqaralyq aqparat quraldarynyń ókilderi, sondaı-aq elorda turǵyndary men qonaqtary qatysty. Kelýshiler sýretshiniń týyndylaryn tamashalap, uıymdastyrýshylarmen pikir almasyp, unaǵan kartınalaryn satyp alý múmkindigine ıe boldy.
Jazalardy oryndaý qyzmetiniń málimetinshe, kórme sottalǵandardy qaıta áleýmettendirý baǵdarlamasy aıasynda uıymdastyrylǵan. Onyń maqsaty — sottalǵandardyń shyǵarmashylyq áleýetin damytý, olardyń ózin-ózi júzege asyrýǵa degen umtylysyn qoldaý jáne ómirge degen oń kózqarasyn qalyptastyrýǵa yqpal etý.
— Mundaı is-sharalar ónerdiń tárbıelik mańyzy zor ekenin kórsetedi. Óner adamnyń rýhanı damýyna, shyǵarmashylyq qabiletin ashýǵa jáne ómirinde oń ózgerister jasaýǵa degen yntasyn qalyptastyrýǵa kómektesedi, — delingen habarlamada.
Aıta keteıik, beıbitshilik salasyndaǵy Nobel syılyǵyn alǵan ırandyq quqyq qorǵaýshy Nargız Mohammadı densaýlyǵy kúrt nasharlaǵan soń túrmeden aýrýhanaǵa aýystyryldy.
