Bishkekte mıtıng ótkizýge qoıylǵan shekteý merzimi uzartyldy

Bishkekte mıtıng ótkizýge qoıylǵan shekteý 31 naýryzǵa deıin uzartyldy, dep málim etti Pervomaıskıı aýdandyq ákimshiliginiń baspasóz qyzmeti.

Kazinform bul týraly Qyrǵyzstannyń Kabar agenttigine silteme jasap habarlaıdy.

Pervomaıskıı aýdandyq sotynyń dereginshe, shekteý engizilgen oryndar qatarynda Ala-Too aýdany, Erkındık býlvary – Lıneınaıa kóshesinen Chýı dańǵylyna deıin, Prezıdent ákimshiligi men Jogorký Kenesh ǵımaraty aldy, sondaı-aq Panfılov atyndaǵy saıabaq pen Tattybýbý Týrsýnbaeva atyndaǵy saıabaq, Joǵarǵy sot ǵımaraty men Qyrǵyzstandaǵy Reseı elshiligi aýlasy, UQMK jáne ІІM ǵımaraty aldy bar.

Bul oryndarda memlekettik organdardyń resmı is-sharalaryn ótkizýge ǵana ruqsat etiledi.

Mıtıngilerdi Maksım Gorkıı atyndaǵy saıabaqta – Isanova jáne Ryskýlova kósheleriniń qıylysynda uıymdastyrýǵa bolady.

Eskertý jáne jappaı tártipsizdiktiń aldyn alý maqsatynda, sondaı-aq QR «Beıbit jıyndar týraly» Zańyn negizge ala otyryp jáne Pervomaıskıı aýdandyq ІІB aryzyna sáıkes mýnıtsıpaldyq ákimshilik aýdandyq sotqa mıtıng ótkizý oryndaryna qatysty shekteýdi ýaqytsha uzarta turý týraly ótinish joldady.

Prevomaıskıı aýdandyq soty ákimdik sheshimin zańdy dep tapty.