Bishkekte qarý-jaraq jasyrylǵan iri qoıma tabyldy
ASTANA. KAZINFORM – Bishkek qalasynda quqyq qorǵaý organdary qarý-jaraq pen oq-dáriler jasyrylǵan qoımany anyqtady.
Bishkek qalalyq ishki ister basqarmasynyń baspasóz qyzmetiniń málimetinshe, qaladaǵy aıaqtalmaǵan qurylys nysandarynyń birinen J.T. esimdi azamatqa tıesili qarý-jaraq qoımasy tabylǵan. Ol 1981 jyly týǵan, «Toha» laqap atymen tanymal, uıymdasqan qylmystyq top pen IGIL (Qazaqstanda tyıym salynǵan uıym — red.) terrorıstik uıymynyń múshesi bolǵan.
Tekserý barysynda úsh trotıl shashkasy, serııalyq nómiri joq Makarov tapanshasy men soǵan arnalǵan oqjatar, bes qol granatasy, ártúrli kalıbrli 500-den astam oq-dári, R.A. atyna resimdelgen kýálik pen 2023 jyly kózin joıǵan qylmys áleminiń serkesi Kamchy Kólbaev, onyń oqqaǵary jáne J.T. birge túsken fotosýret tabylǵan.
Aıta keteıik, J.T. 2015 jyly Bishkekte Panfılov pen Gorkıı kósheleriniń qıylysynda IGIL terrorıstik uıymyna qatysy bar adamdar tobymen birge arnaıy operatsııa kezinde kózin joıǵan.
Buǵan deıin Kamchy Kólbaevtyń baýyry uıymdasqan qylmystyq top múshelerine zańsyz jer berý isi boıynsha jemqorlyq faktisimen ustalǵany habarlanǵan bolatyn.
Sondaı-aq maýsym aıynyń ortasynda Bishkekte qarýly jıhadqa shaqyrǵan dinı top músheleri qolǵa tústi.