Bishkekte elektrsamokattardyń jyldamdyǵy shektelmek
ASTANA.KAZINFORM — ASTANA. KAZINFORM - Qyrǵyzstan astanasynda samokattardyń jyldamdyǵyn saǵatyna 25 shaqyrymnan 15 shaqyrymǵa deıin azaıtý usynylyp otyr, dep habarlaıdy Kazinform agenttiginiń Bishkektegi menshikti tilshisi.
Tıisti qaýly jobasy qoǵamdyq talqylaýǵa shyǵaryldy.
Bul shara jeke mobıldilik quraldaryn paıdalanýshylar men jaıaý júrginshilerdiń qaýipsizdigin arttyrýǵa baǵyttalǵan.
Mundaı shekteýdi engizý qajettigi trotýarlarda, saıabaqtarda jáne qoǵamdyq oryndarda elektrsamokat mingen adamdardyń jaıaý júrginshilerdi qaǵyp ketý oqıǵasynyń jıileýine baılanysty týyndap otyr.
Sonymen qatar, qazirgi qalalyq ınfraqurylym samokattarmen joǵary jyldamdyqta júrýge tolyq beıimdelmegen.
Qujatqa sáıkes, jeke mobıldilik quraldaryna jyldamdyq saǵatyna 15 shaqyrymnan asýyn shekteıtin qosymsha qurylǵy ornatylýy tıis.
Eger jyldamdyq shektegishin óshirý, ózgertý, aınalyp ótý sekildi faktiler anyqtalsa, jalǵa berýshi Qyrǵyz Respýblıkasy zańnamasyna sáıkes jaýapkershilikke tartylady. Talaptardy qaıtalap buzý jeke mobıldilik quraldaryn jalǵa berý nysandaryn ornalastyrý týraly shartty buzýǵa negiz bolýy múmkin.
Eske sala keteıik, 2025 jyly Bishkekte elektrsamokattardy jalǵa berýge tyıym salý usynylǵan bolatyn.
Buǵan deıin elde elektrsamokattar men gıroskýterlerge arnalǵan erejeler ázirlengen edi. 2024 jyly elektrli samokattar, skeıtbordtar, gıroskýterler, sıgveıler jáne monodóńgelekter júrgizýshileriniń jol qozǵalys erejelerin buzǵany úshin Qyrǵyzstanda aıyppul engizildi.
Aýdarǵan: Kamıla Taıtóleý
