Bishkekte búgin ShYU sammıtiniń otyrysy ótedi
BІShKEK. KAZINFORM — Búgin Bishkekte Qyrǵyzstannyń tóraǵalyǵymen Shanhaı yntymaqtastyq uıymyna (ShYU) múshe memleketter basshylary keńesiniń kezekti otyrysy bastalady. Sondaı-aq, «ShYU+» formatynda joǵary deńgeıdegi kezdesý ótedi, dep habarlaıdy Kazinform agenttiginiń Bishkektegi menshikti tilshisi.
Іs-sharalarǵa ShYU-ǵa múshe memleketterdiń basshylary men ókilderi, shaqyrylǵan elderdiń, sondaı-aq BUU-ny qosa alǵanda birneshe halyqaralyq uıymnyń basshylary qatysady.
Talqylaýdyń negizgi taqyryptary halyqaralyq jáne aımaqtyq máseleler, Uıymdy odan ári damytýdyń basym baǵyttary, sondaı-aq saıası, saýda-ekonomıkalyq, kólik-logıstıka, tsıfrlyq, ekologııalyq jáne mádenı-gýmanıtarlyq salalardaǵy yntymaqtastyqty tereńdetý perspektıvalaryn qamtıdy.
Іs-shara ShYU-nyń 25 jyldyǵyna oraılastyrylyp, Qyrǵyzstan tóraǵalyǵynyń qorytyndylary shyǵarylady.
Sammıt qorytyndysy boıynsha qujattar paketin qabyldaý josparlanǵan, olardyń ishinde eń mańyzdysy — Odaqtyń aldaǵy jyldarǵa arnalǵan damý vektoryn anyqtaıtyn ShYU-nyń 25 jyldyǵy týraly Bishkek deklaratsııasy.
Sammıt jumysyn 250 jergilikti jáne 800 sheteldik BAQ ókili habarlap otyr.
Osyǵan deıin Qazaqstan Prezıdenti Qasym-Jomart Toqaev ShYU jıyndaryna qatysý úshin Bishkekke barǵany habarlandy.
Memleket basshysy sondaı-aq Bishkekte ótip jatqan VI Dúnıejúzilik kóshpendiler oıyndarynyń ashylý saltanatyn tamashalady.
Bishkek sammıtinde nendeı máseleler talqylanyp, qandaı sheshimder qabyldanatynyn myna materıaldan oqı alasyz.
