Bıyl jeltoqsanda Bishkekte Halyqtyq Quryltaı uıymdastyrylady

ASTANA. KAZINFORM — Qyrǵyzstan Prezıdenti Sadyr Japarov IV Halyqtyq Quryltaıdy ótkizý týraly jarlyqqa qol qoıdy, dep habarlaıdy Kabar.

Kezekti Quryltaı 2025 jyldyń 22 jeltoqsanynda Bishkek qalasynda ótedi.

Jarlyqqa sáıkes, 700 delegattyq kvota bólinisi, ýaqytsha ereje jáne Quryltaıdy uıymdastyrý komıtetiniń quramy bekitildi.

Delegattardy saılaý tártibi Ulttyq keńes ázirlep, bekitetin ereje negizinde anyqtalady.

Uıymdastyrý komıteti delegattar saılaýyn Konstıtýtsııalyq «Halyqtyq Quryltaı týraly» zańǵa sáıkes ótkizýi, ýaqytsha ereje aıasynda sheshimder qabyldaýy jáne memlekettik organdardyń, jergilikti ákimdikterdiń ókilderin, sarapshylardy tartýy tıis.

Quryltaıdy daıyndaý jáne saılaý protsesin úılestirýdi kelesi qurylymdar qamtamasyz etedi:

• Halyqtyq Quryltaıdyń uıymdastyrý komıteti men hatshylyǵy,

• Prezıdenttiń oblystardaǵy ýákiletti ókilderi,

• Jergilikti memlekettik ákimshilikter men ózin-ózi basqarý organdary,

• Syrtqy ister mınıstrligi, Eńbek mınıstrligi, Mádenıet mınıstrligi jáne Qyrǵyzstan halyqtary assambleıasy.

Іshki ister mınıstrligine delegattar saılaýy kezinde qoǵamdyq tártip pen qaýipsizdikti qamtamasyz etý tapsyryldy.

Atalǵan jarlyqtyń oryndalýyn baqylaý Prezıdent ákimshiliginiń uıymdastyrý jumysy bólimine júkteldi. 

Budan buryn Profıldi komıtet Qyrǵyzstan parlamentin óz erkimen taratý týraly usynysty maquldaǵanyn jazǵanbyz.