Bishkekte balalarǵa ıne bólshekteri bar kámpıt taratqan er adam ustaldy
BІShKEK. KAZINFORM – Qyrǵyzstanda belgisiz er adam balalarǵa ishinde ıne bólshekteri bar kámpıt taratqan, dep habarlaıdy Kazinform agenttiginiń Bishkektegi menshikti tilshisi.
Lenın aýdandyq ІІB málimetinshe, el astanasynyń «Aq-Ordo» turǵyn úı kesheniniń turǵyny 2015 jyly týǵan qyzy men basqa da balalar 28 naýryz kúni belgisiz azamattan ishinde ıneler bar kámpıt alǵany týraly aryz túsirgen.
Tergeý qyzmeti atalǵan fakti boıynsha qylmystyq is qozǵady, tıisti saraptamalar taǵaıyndaldy.
Jedel-izdeý sharalary barysynda kúdiktiniń jeke basy anyqtaldy. Er adam ustalyp, ýaqytsha ustaý oqshaýlaǵyshyna qamaldy.
Onyń úıin tintý kezinde kámpıtter men basqa da zattaı dálelder tárkilendi.
Osyǵan deıin Qyrǵyzstanda áıelder maskasy men parıgin kıip dúken tonaǵan qylmystyq toptyń 9 múshesi ustalǵanyn habarlaǵan bolatynbyz.