Bishkekte ashanadan tamaqtanǵan adamdar ýlandy
BІShKEK. KAZINFORM – Qyrǵyzstanda kóp adamnyń tamaqtan ýlaný oqıǵasy tirkeldi, dep habarlaıdy Kazinform agenttiginiń Bishkektegi menshikti tilshisi.
Qyrǵyzstan Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý departamentiniń málimetinshe, 13 adam medıtsınalyq kómekke júgingen, olardyń 11-i aýrýhanaǵa jatqyzyldy, al ekeýi ambýlatorııalyq em qabyldap jatyr. Aldyn ala aqparatqa sáıkes, adamdar Bishkek ashanalarynyń birinde daıyndalǵan taǵamnan ýlandy.
Sanıtarlyq-epıdemıologııalyq qyzmet mekemede jospardan tys tekserý júrgizip, zerthanalyq tekserý úshin ónim úlgilerin jınady.
Ashana anyqtalǵan buzýshylyqtarǵa baılanysty jabylyp, oǵan 23 myń som aıyppul salyndy. Epıdemıologııalyq tergeý jalǵasyp jatyr.
Osyǵan deıin Qyrǵyzstan astanasyndaǵy fast-fýd dúkeninde jappaı tamaqtan ýlaný oqıǵasy tirkelgenin jazdyq.