Bishkekte asa iri kólemde alaıaqtyq jasaǵan kúdikti ustaldy

Qyrǵyz Respýblıkasy astanasynda asa iri kólemde alaıaqtyq jasady degen kúdikpen er adam ustaldy. Kazinform bul týraly Kabar agenttigine silteme jasap habarlaıdy. 

Mılıtsııa deregi boıynsha, 5 jeltoqsanda Sh.D. esimdi azamattan aryz tústi. Onyń sózinshe, T.J. esimdi azamat bıyl maýsymda ortaq kásip ashamyz dep senimine kirip, 78 myń dollar kóleminde aqshany alyp, joq bolyp ketken.

Osy oqıǵaǵa qatysty Tergeý qyzmeti QR QK 209-baby (Alaıaqtyq) boıynsha qylmystyq is qozǵady.

Tergeý jáne jedel-izdeý amaldary barysynda 2002 jyly týǵan T.J. esimdi azamat anyqtalyp, ustalǵanyn aıta keteıik.

Kúdikti Tergeý qyzmetine jetkizilip, QR QPK 96-babyna sáıkes tergeý ızolıatoryna qamaldy.

Qazirgi ýaqytta onyń osyǵan uqsas basqa qylmystarǵa qatysy bar-joǵy tekserilip jatyr.