Bishkekte 20-dan astam adam shaýrmadan ýlanyp qaldy
Bishkekte Shý dańǵyly men Súıinbaev kóshesiniń qıylysynda ornalasqan «Besh lavash» jáne «Mıdos» fastfýd pýnktterinde shaýrmadan ýlaný oqıǵasy tirkeldi. QazAqparat bul týraly Kabar agenttigine silteme jasap habarlaıdy.
Qyrǵyz Respýblıkasy Densaýlyq saqtaý mınıstrligi baspasóz qyzmetiniń habarlaýynsha, jappaı ýlaný saldarynan 21 adam zardap shekken. Respýblıkalyq klınıkalyq juqpaly aýrýlar aýrýhanasyna 15 adam jatqyzyldy. Onyń ishinde 2 bala bar. Qalǵan 6 adam ambýlatorlyq em qabyldap jatyr.
«Tergeý kezinde sanıtarlyq jáne mıkrobıologııalyq zertteýler úshin daıyn shaýrma úlgileri, ıngredıentter men jaǵyndylar alyndy», - delingen habarlamada.
Anyqtalǵan zańbuzýshylyq boıynsha fastfýd satatyn oryndarǵa 72 myń som aıyppul salynyp, zańbuzýshylyq joıylǵanǵa deıin jabyldy.
