Bishkek jylý elektr ortalyǵyndaǵy apat: turǵyndarǵa ystyq sý berile bastady

ASTANA. KAZINFORM - Bishkekte jylý elektr ortalyǵyndaǵy apattan keıin turǵyndardyń kóbi ystyq sýsyz qalǵan edi. Bılik búgin keshke deıin barlyq tutynýshylarǵa ystyq sý qosylady dep ýáde berdi, dep habarlady Kabar agenttigi.

«Elektr stantsııalary» AAQ – «Bishkekteploset» fılıalynyń dırektory Uran Raıymbekov búginde jylý berilmegen birde-bir úı nemese mekeme joq ekenin aıtty.

Onyń aıtýynsha, keshke deıin barlyq tutynýshylarǵa ystyq sý beriledi.

– Qazir qalpyna keltirý jumystary júrgizilip jatyr. Kóptegen azamattar ystyq sýdy óshirgennen keıin sý jylytýǵa arnalǵan bak qosty. Sodan sýyq sýdyń qysymy ystyq sýdy ıterip, qıyndyq paıda bolady, - dedi ol.

Raıymbekov, sondaı-aq, qazirgi ýaqytta tıisti jumystar júrgizilip jatqanyn atap ótti.

«Kúnniń sońyna deıin barlyq abonentter ystyq sýmen qamtamasyz etiledi», - dep qorytyndylady «Bishkekteploset» basshysy.

Ol, sondaı-aq, iri kommertsııalyq uıymdarda áli jylý men ystyq sý joq, biraq mamandar jumys istep jatqanyn basa aıtty.

Esterińizge sala keteıik, 2 aqpanǵa qaraǵan túni Bishkek JEO-da apat bolyp, qondyrǵylar isten shyqqan bolatyn.