Bishkek JEO-yn qalpyna keltirý úshin Reseıden mamandar keldi
QYRǴYZSTAN. KAZINFORM - Qyrǵyzstanǵa Reseı Federatsııasynan mamandar keldi. Olar otandyq energetıktermen birge jylý elektr ortalyǵyndaǵy rekonstrýktsııa jáne jóndeý jumystaryn, sondaı-aq nysandy uzaq merzimdi jobalaý múmkindikterin talqylaýda, dep habarlaıdy Kabar aqparat agenttigi.
Osylaısha, prezıdent ákimshiliginde ótken apparat keńesinde Qyrǵyzstan Respýblıkasy Mınıstrler kabınetiniń tóraǵasy Aqylbek Japarov mamandar JEO júıesin ishinara jańǵyrtý nemese nysandy tolyq jańartý nusqalaryn zertteıtinin aıtty.
Sondaı-aq, onyń aıtýynsha, óńirlerdegi qazandyqtardy da jańǵyrtý qajet.
2 aqpan, túngi saǵat 3-te Bishkek JEO-da bolǵan jarylys kózi anyqtaldy. Bul týraly búgin "Bırınchı radıo" efırinde eldiń Tótenshe jaǵdaılar mınıstriniń orynbasary Ýrmat Shamyrkanov málim etti.
Onyń aıtýynsha, jarylys kúshi qatty bolǵany sonsha, shyny men shatyrdyń synyqtary júzdegen metrge shashylyp ketken.
Shamyrkanov jarylys saldarynan 650-680 metrlik shatyrdyń tolyǵymen qıraǵanyn aıtty.
