Bishkek tórindegi búgingi kelissózderdiń qorytyndysy nátıjeli boldy — Sadyr Japarov

BІShKEK. KAZINFORM — Prezıdent Sadyr Japarov Bishkek tórindegi búgingi kelissózderdiń qorytyndysy nátıjeli bolǵanyn aıtty. Bul týraly Aqorda málim etti.

Onyń aıtýynsha, elderimizdiń arasynda ózara saýda-sattyqtyń jandanýyna, ınvestıtsııa tartýǵa jáne mádenı-gýmanıtarlyq yqpaldastyqty nyǵaıtýǵa oń septigin tıgizetin qolaıly saıası yntymaqtastyq qalyptasqan.

— Qyrǵyz-qazaq memlekettik shekarasyndaǵy ındýstrııalyq saýda-logıstıkalyq kesheniniń qurylysy, Almaty oblysynda aýyl sharýashylyǵy ónimderin saqtaý úshin kóterme saýda-taratý ortalyǵyn ashý, «Almaty — Ystyqkól» avtokólik jolyn salý sekildi birlesken jobalarǵa aıryqsha mán berildi. Biz saýda kólemin ulǵaıtý, ózara saýda-sattyqtaǵy taýarlar nomenklatýrasyn keńeıtý jáne bızneske qolaıly jaǵdaı jasaý máselelerin talqyladyq, — dedi Qyrǵyz eliniń basshysy.

Eske sala keteıik, buǵan deıin Memleket basshysy Qyrǵyz Respýblıkasynyń Prezıdenti Sadyr Japarovty «Altyn Qyran» ordenimen marapattaǵanyn jazǵan edik.