Bishkek ShYU sammıtin ótkizýge qyzý daıyndalyp jatyr
ASTANA. KAZINFORM — 31 tamyz ben 1 qyrkúıekte Bishkekte Shanhaı yntymaqtastyq uıymynyń sammıti jáne VI Dúnıejúzilik kóshpendiler oıyndary ótedi, dep habarlaıdy Kazinform agenttiginiń Bishkektegi menshikti tilshisi.
Aýqymdy halyqaralyq is-sharalar qarsańynda Qyrǵyzstannyń astanasy ajarlanyp, kórkeıe tústi. Qala kósheleri men qoǵamdyq oryndar retke keltirilip, ınfraqurylym jańartylyp, qaýipsizdik sharalary kúsheıtildi.
Qalanyń ortalyq aýdandaryn abattandyrýǵa jáne resmı is-sharalar ótetin oryndardy daıyndaýǵa erekshe kóńil bólinip otyr.
Qala bıligi joǵary deńgeıdegi qonaqtardy laıyqty qarsy alyp, Bishkektiń zamanaýı ári qonaqjaı qala ekenin kórsetýge tyrysyp jatyr.
Joǵary deńgeıdegi is-sharalarǵa oraı «Manas» halyqaralyq áýejaıy tolyq jańǵyrtyldy. Infraqurylymdy jaqsartý jáne jolaýshylarǵa qyzmet kórsetý sapasyn arttyrý boıynsha jumystar júrgizildi.
Áýejaıǵa aparatyn jol aıryǵyna ilbis beınelengen jańa stela ornatyldy.
Sammıtke arnaıy Ortalyq Azııadaǵy eń iri kongress nysandarynyń biri — «Yrys-Ordo» salyndy. Onyń aýmaǵy 39 myń sharshy metrden asady jáne bir mezette 2 myńnan astam qonaqty qabyldaı alady.
Kongress ortalyǵynda 1238 oryndyq «Quryltaı» konferents-zaly, 1 000 oryndyq banket zaly, 235 oryndyq baspasóz zaly, sondaı-aq joǵary deńgeıdegi kezdesýler men kelissózder ótkizýge arnalǵan zamanaýı zaldar bar.
Eske salaıyq, buǵan deıin Bishkektegi ShYU sammıtinde nendeı máseleler talqylanyp, qandaı sheshimder qabyldanatyny týraly jazǵanbyz.
