Bishkek qoǵamdyq kólikte jolaqy tóleý júıesin qaıta qarastyrady

ASTANA.KAZINFORM - Qyrǵyzstan astanasynyń ákimi Aıbek Djýnýshalıev tıisti qyzmetterge qoǵamdyq mýnıtsıpaldyq kóliktegi jolaqy júıesin qaıta qaraýdy tapsyrdy.

Ákimdiktiń habarlaýynsha, belgili bir ýaqyt ishinde jasalǵan bir nemese birneshe aýdarymdar úshin jol aqysyn bir ret qana tóleý múmkindigin qarastyrý usynyldy.

Qazir úsh avtobýspen júrip, 2 ret aýdarym jasaǵan jolaýshy banktik aýdarym arqyly bir jol júrýine 17 somnan 51 som tólese, jańa baǵdarlamamen bar bolǵany 17 som tóleıtin bolady.

Aıta keteıik, Bishkekte jol jelisi keptelisin azaıtý jáne trafıktiń barlyq qatysýshylary úshin keptelis ýaqytyn qysqartý, sondaı-aq qoǵamdyq kólikke suranysty arttyrý maqsatynda aǵymdaǵy jyldyń mamyr aıynda ákimdik qyzmetkerleri men mýnıtsıpaldy qyzmetkerlerdiń aptasyna eki ret jeke avtokólikti paıdalanýyna shekteýler engizildi.

Bishkek ákimdiginiń jeke kólikti paıdalanýdy shekteý jónindegi tapsyrmasyn buzǵany úshin seısenbi jáne beısenbi kúnderi mýnıtsıpalıtettiń 64 qyzmetkeri jazalandy.