Bishkek avtobýstarynda qyrǵyz tilindegi mýltfılmder kórsetiledi

Bishkektiń qoǵamdyq kóliginde qyrǵyz tilinde qysqametrajdy mýltfılmder kórsetiledi, dep habarlaıdy Kazinform agenttigi jergilikti Kabar basylymyna silteme jasap.

Atap ótilgendeı, tıisti sheshim Prezıdent janyndaǵy Memlekettik til jáne til saıasaty jónindegi ulttyq komıssııanyń tóraǵasy Qanybek Osmonalıevtiń, Bishkek meriniń orynbasary Maqsatbek Sazyqulovtyń, Bishkek qalalyq ákimdiginiń memlekettik tildi damytý basqarmasynyń bastyǵy Elvıra Nııazbekovanyń jáne «Bishkek jolaýshylar avtokólik kásiporny» JP basshysy Talant Qaparovtyń qatysýymen ótken keńestiń qorytyndysy boıynsha qabyldandy.

«Sheshim Memlekettik til týraly Konstıtýtsııalyq zańyn iske asyrý maqsatynda qabyldandy» delingen habarlamada.