Bishkek 2025 jyly túrki áleminiń tsıfrlyq astanasy bolady
BІShKEK. KAZINFORM – Bul týraly Qyrǵyzstan prezıdenti Sadyr Japarovtyń Bishkekte Túrki memleketteri uıymynyń XI sammıti otyrysynda sóz sóıleýi kezinde belgili boldy, dep habarlaıdy Kazinform menshikti tilshisi.
Qyrǵyzstan basshysy Bishkekke 2025 jylǵa arnalǵan túrki áleminiń tsıfrlyq astanasy mártebesin berý bastamasyn qoldaǵany úshin rızashylyǵyn bildire otyryp, Qyrǵyzstannyń TMU aıasynda tsıfrlyq ıntegratsııa úderisin jedeldetýge umtylatynyn atap ótti.
«Biryńǵaı tsıfrlyq keńistikti qurý salasynda biz elektrondy kommertsııany, kóliktik jáne logıstıkalyq protsedýralardy jeńildetýge, sondaı-aq tsıfrlyq standarttar men sertıfıkattardy ózara tanýǵa múddelimiz. Biz elektrondy qoltańbany ózara taný tetikterin qurýǵa baǵyttalǵan qujattardy birlesip ázirleýdi kózdep otyrmyz. Qyrǵyzstannyń tóraǵalyǵy aıasynda tsıfrlyq tehnologııalar, ásirese memlekettik qyzmet kórsetý jáne jasandy ıntellekt salasynda birlesken zertteýlerge qoldaý kórsetiledi», - dedi Sadyr Japarov.
Eske sala ketsek, 6 qarashada Bishkekte Túrki memleketteri uıymynyń kezekti XI sammıti «Túrki álemin nyǵaıtý: Ekonomıkalyq ıntegratsııa, turaqty damý, tsıfrlyq bolashaq jáne barlyǵy úshin qaýipsizdik» taqyrybymen ótip jatyr. Onyń jumysyna Uıymǵa múshe bes memleket – Qazaqstan, Ázerbaıjan, Qyrǵyzstan, Túrkııa jáne Ózbekstan basshylary, sondaı-aq baqylaýshy el Majarstannyń basshysy qatysyp jatyr.
Buǵan deıin habarlanǵandaı, Qazaqstan Respýblıkasynyń Prezıdenti Qasym-Jomart Toqaev Túrki memleketteri uıymynyń sammıtinde sóılegen sózinde Qazaqstannyń bırjadan tys keńistiktegi tóraǵalyǵynyń qorytyndysyn shyǵarǵan bolatyn.
Túrki memleketteri uıymynyń XI sammıtinde 8 qujatqa qol qoıyldy. Uıymǵa tóraǵalyq etý Qazaqstannan Qyrǵyzstanǵa ótti.
Bishkekte ótken Túrki memleketteri uıymynyń XI sammıtinde sóz sóılegen Qyrǵyzstan prezıdenti Sadyr Japarov túrki tildes halyqtar kitaphanasyn qurýdy usyndy.
