Birjan Orazov — fýtzaldan álem chempıonatyndaǵy eń jyldam goldyń avtory
ASTANA. KAZINFORM — Qazaqstan quramasynyń oıynshysy Birjan Orazovtyń Ispanııa qaqpasyna soqqan doby fýtzaldan álem chempıonaty tarıhyndaǵy jyldam soǵylǵan gol dep baǵalandy.
Alǵashqy týrda el quramasynyń Ispanııamen kezdesýinde Birjan Orazov nebári 6-sekýndta qarsylas qaqpashysyn qapy qaldyryp ketti. Oıyn 1:1 esebimen teń aıaqtaldy.
Qazirge deıin eń jyldam goldy 2008 jyly ıspanııalyq Havı Rodrıges — 11, 2016 jyly reseılik Danıl Davydov 12-sekýndta soqqan edi.
El quramasy odan keıin ekinshi týrda 18 qyrkúıekte Lıvııany 4:1 esebimen tize búktirdi.
Nátıjesinde bir týr buryn pleı-off satysyna joldamaǵa qol jetkizdi.
Endi 21 qyrkúıekte Jańa Zelandııamen sheberlik baıqasady.
Atalǵan synda el namysyn Narýn Serikov, Leonardo Igıta, Arnold Knaýb, Rınat Tóreǵazın, Aqjol Dáribaı, Ábdirasýl Ábdimanapuly, Azat Valıýllın, Leo, Albert Aqbalyqov, Shyńǵys Esenamanov, Birjan Orazov, Dáýren Tursaǵulov, Jahangır Rashıt jáne Dýglas Jýnıor syndy sportshylar qorǵaıdy.
