Brıýsseldegi gúldi kilem (FOTO)
ASTANA. QazAqparat - Belgııa jerine jumysshy túrik emıgranttarynyń tabany tıgenine 50 jyl tolýyna oraı, Brıýssel qalasyndaǵy Eski bazar alańynda tańǵajaıyp gúldi kilem jasaldy, dep habarlady muslim.kz.
Uzyndyǵy 75 metr, eni 25 metr bolatyn bul alyp kilemdi ómirge ákelý úshin 100-den astam jumysshy atsalysqan. Brıýssel qalasynyń meri Iven Maıor 15-shilde kúni gúldi kilemniń ashylý saltanatynda bul sharanyń eki el dostyǵyn nyǵaıta túsip, mádenıetaralyq kópir bolatynyn tilge tıek etken bolatyn.
Aıta keteıik, Ratýshnyı alańyn gúlmen bezendirý úrdisi sonaý 1986 jyldan beri jalǵasyp keledi. Degenmen, osy kezge deıin bul alańǵa jaıylǵan gúldi kilemderdiń kólemi 24h77 bolyp keletin edi. Al, kilemderdiń ómir súrý uzaqtyǵy 2-3 kúnge sozylady. Túrik kileminiń bul alańǵa shyǵarylýy bıyl tuńǵysh ret oryn alyp otyr.
