Brıýsseldegi saılaý ýchaskesinde daýys berý jalǵasyp jatyr

BRıÝSSELЬ. KAZINFORM – Jergilikti ýaqyt boıynsha saǵat 07:00-de Qazaqstannyń Belgııadaǵy elshiliginiń ǵımaratynda ornalasqan №373 saılaý ýchaskesi referendýmda daýys berýshiler úshin esigin aıqara ashty, dep habarlaıdy Kazinform agenttiginiń menshikti tilshisi. 

Ýchaske jumysy saltanatty jaǵdaıda Qazaqstan Respýblıkasynyń ánuranynyń oryndalýymen bastaldy. Ashylý saltanatynan keıin ýchaskelik saılaý komıssııasynyń músheleri jumysqa kiristi.

Qazaqstannyń Belgııadaǵy Elshiligi Brıýsseldegi Van Bever dańǵyly, 30 mekenjaıynda ornalasqan. 

Qazaqstandyqtar jergilikti ýaqyt boıynsha saǵat 07:00-den 20:00-ge deıin daýys bere alady. 

Belgııa astanasynan 200 shaqyrym jerde ornalasqan kórshiles Lıýksembýrgte turaqty turatyn qazaqstandyqtar da Brıýsselde daýys beredi.

Referendým ótkizý jónindegi №373 ýchaskeniń tóraıymy Gaýhar Tursynova bir kún buryn Belgııa men Lıýksembýrgte turatyn qandastarymyzdy sonyń ishinde Internettegi tanymal áleýmettik jeliler arqyly habardar etý sharalary qolǵa alynǵanyn habarlaǵan.

«Saılaý tiziminde 200-ge jýyq adam bar. Bul elshilik dıplomattary, olardyń otbasy músheleri, Belgııanyń joǵary oqý oryndarynda oqıtyn qazaqstandyq stýdentter, sondaı-aq jergilikti kompanııalarda jumys isteıtin azamattar», - dep atap ótti G. Tursynova.

Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys berip jatyr.  

Respýblıkalyq referendým bıýlleteninde bir ǵana saýal bolady: Siz Qazaqstanda atom elektr stantsııasyn salýǵa kelisesiz be? Daýys berýshi jaýaptyń eki nusqasynyń birin tańdaıdy: «Iá, kelisemin» nemese, «Joq, kelispeımin».

Ózderiniń konstıtýtsııalyq quqyǵyn Koreıa Respýblıkasyndaǵy Qazaqstan azamattary alǵashqylardyń biri bolyp júzege asyrdy.

Sondaı-aq, Beıjińdegi Qazaqstan Respýblıkasynyń Elshiligi men Shanhaı jáne Gonkongtaǵy Qazaqstannyń bas konsýldyqtarynda Atom elektr stansasyn (AES) salý jónindegi respýblıkalyq referendýmǵa daýys berý pýnktteri ashyldy.