Brıýsselde Palestınany qoldaǵan 20 myńnan astam adam Eýropalyq sherýge shyqty
Senbi kúni Brıýsseldiń Soltústik vokzalynda Palestınany qoldaýǵa arnalǵan Eýropalyq sherý bastaldy. Oǵan 20 myńnan astam adam jınaldy, dep habarlaıdy Kazinform agenttiginiń menshikti tilshisi.
Sherýshiler atysty tez arada toqtatýdy talap etip jatyr. Sonymen qatar olar Izraıldi soǵys zańdaryn qurmettemedi jáne beıbit turǵyndardy qasaqana qyryp saldy dep aıyptady.
Brıýssel polıtsııasy demonstranttar qozǵalǵan kezde qosymsha qaýipsizdik sharalaryn uıymdastyrdy. Sonymen qatar AQSh pen Izraıl elshilikterine qaýipsizdik sharalaryn kúsheıtti.
Belgııa ulttyq meıramy – Bitimgershilik kúnin atap ótti. Sondyqtan sherýge azamattyq qoǵamnyń kóptegen ókili qatysqan.
Uıymdastyrýshylar Eýropalyq Odaq Izraıl men Palestına arasyndaǵy zorlyq-zombylyqty toqtatýdy talap etýi kerek dep sanaıdy.
«Biz halyqaralyq quqyqty qurmetteý qanshalyqty mańyzdy ekenin ujymdyq túrde túsindirgimiz keledi. Sondaı-aq Palestınada halyqaralyq quqyqtyń buzylýyna Eýropanyń áreketsizdigin aıyptaımyz», - dedi uıymdastyrýshylar.
