Brıýsselde Ortalyq Azııa elderi elshileri men Karıb basseıni dıplomattarynyń kezdesýi ótti
BRıÝSSELЬ. KAZINFORM – Belgııada Ortalyq Azııa memleketteri, Mońǵolııa dıplomatııalyq mıssııalarynyń basshylary men Karıb basseıni elderi elshileri tobynyń alǵashqy birlesken beıresmı kezdesýi ótti.
Kezdesý saýda-ekonomıkalyq jáne salalyq áriptestikti keńeıtý, sondaı-aq óńiraralyq jáne aımaqishilik baılanystardy qurý boıynsha tájirıbe almasý maqsatynda ótti.
Qazaqstan Respýblıkasynyń Belgııadaǵy Elshisi Marǵulan Baımuhannyń pikirinshe, aımaqtardyń geografııalyq alystyǵyna qaramastan, Ortalyq Azııa men Karıb basseıni elderiniń jahandyq dıalog pen halyqaralyq qaýipsizdikti nyǵaıtý máseleleri boıynsha uqsas ustanymy bar, bul – ekonomıkalyq qatynastardy tereńdetýdiń mańyzdy sharty.
Kezdesý barysynda qazaqstandyq dıplomat ınvestıtsııalyq preferentsııalar men sheteldik ınvestorlardyń Qazaqstandaǵy qyzmetin damytýǵa múmkindik beretin quraldar týraly baıandap berdi.
Ortalyq Azııa óńiriniń kólik-logıstıkalyq áleýetin keńeıtýge erekshe nazar aýdaryldy. Eýropalyq Odaqtyń Orta dálizdi damytýdaǵy róli men qyzyǵýshylyǵynyń artýy atap ótildi. Sonymen qatar, taraptar Ortalyq Azııa elderi men Mońǵolııa arasyndaǵy EO ınstıtýttarymen yntymaqtastyqtyń basymdyqtaryn talqylady.
Kezdesýge qatysýshylar atap ótkendeı, Ortalyq Azııa elderi men Mońǵolııanyń JІÓ búginde 430 mlrd eýrony quraıdy, al bul elderdiń ósip kele jatqan jas urpaǵy 2050 jylǵa qaraı 100 mln adamǵa jaqyndaýy múmkin. 2023 jyly Ortalyq Azııadaǵy aımaqishilik saýda kólemi 11 mlrd eýrony qurady.
Qatysýshylar sonymen qatar vızalyq rejım, reıster sanyn kóbeıtý jáne ushý geografııasyn keńeıtý, týrızm, bilim berý, tsıfrlandyrý, atap aıtqanda, elektrondy úkimet jobalaryn júzege asyrý, mádenı-gýmanıtarlyq ózara is-qımyl, Eýropalyq Odaqpen demokratııalyq ınstıtýttardy nyǵaıtý, iskerlik baılanystar ornatý jáne t.b. boıynsha dıalog qurý máselelerin qozǵady.
Kezdesý qorytyndysy boıynsha taraptar Ortalyq Azııa, Mońǵolııa, Karıb basseıni elderi jáne EO arasyndaǵy jan-jaqty ózara is-qımyldy nyǵaıtýǵa baǵyttalǵan mazmundy dıalogty qoldaýǵa kelisti.
Karıb basseıni elderine Antıgýa men Barbýda, Bagam araldary, Barbados, Belız, Kýba, Domınıka, Domınıkan Respýblıkasy, Gaıana, Grenada, Gaıtı, ıAmaıka, Sent-Kıts jáne Nevıs, Sent-Lıýsııa, Sent-Vınsent jáne Grenadın araldary, Frantsýz Gvıanasy, Sýrınam jáne Trınıdad pen Tobago kirip, jalpy alǵanda 40 mln tutynýshysy bar serpindi naryqty quraıdy.
Eýropalyq Odaq – Karıb teńizi aımaǵynyń eń iri saýda seriktesteriniń biri. 2023 jyly EO men Karıb teńizi arasyndaǵy jalpy taýar saýdasy 8 mlrd eýrony qurady.
