Brıýsselde Muqaǵalı Maqataevtyń 95 jyldyǵyna arnalǵan poetıkalyq is-shara ótti
ASTANA. KAZINFORM – Brıýssel qalasyndaǵy Qazaq mádenı ortalyǵynda HH ǵasyrdaǵy qazaq poezııasynyń kórnekti ókilderiniń biri Muqaǵalı Maqataevtyń týǵanyna 95 jyl tolýyna arnalǵan ádebı is-shara ótti.
QR Syrtqy ister mınıstrligi málimetinshe, is-shara poezııa boıynsha ashyq sabaq formatynda uıymdastyrylyp, Belgııada qazaq tili men mádenıetin úırenip júrgen balalar men eresekterter belsendi qatysty. Baǵdarlama aıasynda aqynnyń óleńderi oqylyp, sózine jazylǵan ánder oryndaldy.
Muqaǵalı Maqataevtyń shyǵarmalary qazaq, frantsýz, aǵylshyn jáne nıderland tilderinde oryndalyp, onyń poezııasynyń kóptildi ári halyqaralyq ortada da suranysqa ıe ekeni kórinis tapty.
Jyly ári erkin atmosferada qatysýshylar poezııanyń urpaqtar men mádenıetter arasyndaǵy rýhanı baılanys quraly retindegi róli týraly pikir almasty.
Belgııada qazaq tili men ádebıetin nasıhattaý baǵytyndaǵy jumystardyń bir bóligi retinde ótken is-sharada, Muqaǵalı Maqataevtyń poezııalyq murasy búgingi kópmádenıetti ortada da ózektiligin saqtap otyrǵanyn kórsetti.
Sonymen qatar Astanada Muqaǵalı Maqataevtyń 95 jyldyǵyna arnalǵan «Qazaǵym-aı» atty ádebı-mýzykalyq kesh ótti.
Іs-sharada aqynnyń óleńmen órilgen otty jyrlary, áýezdi áýen men jandy oryndaý kórermenge esten ketpes áser syılady.
Kontserttik baǵdarlamada halyq súıip tyńdaıtyn ánder usynyldy. Atap aıtqanda, «Aıtatyn saǵan syrym bul», «Aıagóz arý», «Japyraq júrek jas qaıyń», «Sábı bolǵym keledi», «Men dep oıla», «Esińe meni alǵaısyń», «Týǵan ólke», «Otan», «Sarjaılaý» jáne t.b. shyǵarmalary shyrqaldy.
Ádebı-mýzykalyq keshte Qazaqstannyń eńbek sińirgen qaıratkerleri, respýblıkalyq jáne halyqaralyq baıqaýlardyń laýreattary, Astana Musical» memlekettik teatry, «Astana sazy» qazaq memlekettik folklorlyq ansambli, «SAZ&SOUL» toby jáne «Gulder» ansambliniń baleti óner kórsetti. Atalǵan keshke aqynnyń uly Juldyz Maqataev pen kelini Baqytkúl Maqataeva arnaıy qonaq retinde qatysty. Poezııa keshi aqyn shyǵarmashylyǵyn nasıhattap, Muqaǵalı poezııasynyń máńgilik qundylyǵyn taǵy bir márte aıqyndaı tústi.
Aıta keteıik, búgin, 9 aqpanda qazaq poezııasynyń kórnekti ókili, lırık aqyn Muqaǵalı Maqataevtyń týǵanyna 95 jyl toldy. Ol qazaq ádebıetinde adam janynyń ishki ıirimderin, sezim men rýhanı kúıdi tereń beınelegen aqyn retinde baǵalanady.