Brıýsselde esirtki mafııasy qoqan-loqy jasaǵan prokýrorǵa arnaıy kúzet qoıyldy
ASTANA. KAZINFORM – Brıýssel prokýrory Jıýlen Mýanıl esirtki saýdasymen kúrestegi qatań áreketterinen keıin qaýipsizdik sharalaryn kúsheıtti.
RTBF radıosynyń málimetinshe, oǵan baǵyttalǵan qoqan-loqqy «salmaqty ári naqty qaýip» retinde baǵalanǵan. Osyǵan baılanysty prokýrordy jeke kúzet pen polıtsııa qyzmetkerleri táýlik boıy kúzetýde.
Mýanıl sońǵy alty aıda astanadaǵy esirtki taratýshylarǵa qarsy belsendi kúres júrgizip keledi. Jaqynda Anderleht aýdanyndaǵy iri operatsııa kezinde ol munyń «tek bastamasy» ekenin atap ótken bolatyn.
Buǵan deıin de ol uıymdasqan qylmyspen kúresip júrgen kezde birneshe ret qorǵaýǵa alynǵan.
Al 2024 jyly Belgııada qyzmettik mindetin atqarý kezinde 101 adamǵa arnaıy qorǵaý berilgen.
Aıta keteıik, Belgııada polıtseılerdiń qýǵyn-súrgininen keıin 11 jastaǵy balanyń qaza tabýy rezonans týdyrdy.