Brıýsselde baspanany jalǵa berý erejeleri ózgeredi

ASTANA. KAZINFORM — Brıýsselde 1 mamyrdan bastap menshik ıelerine tıesili jyljymaıtyn múlikti jalǵa berý baǵasyn belgileýde qatań erejeler engiziledi, dep habarlaıdy AZERTADJ.

Bul Brıýssel qalalyq parlamentiniń shamadan tys qymbat jaldaý aqysymen kúresýge baǵyttalǵan qaýlysyna sáıkes júzege asady.

2022 jyldyń 1 jeltoqsanynan bastap, ıaǵnı sońǵy sheshim engizilgennen beri eki jarym jylǵa jýyq ýaqyt ishinde, Brıýsseldegi barlyq jaldaý shartynda óńirlik anyqtamalyqqa negizdelgen bazalyq jaldaý aqysy nemese soǵan jýyqtaıtyn soma dıapazony kórsetilýi tıis boldy. Atalǵan anyqtamalyq jyl saıyn jańartylady. Jaldaý aqysy óńirde belgilengen somadan 20% assa, ol shamadan tys kóp dep sanalady. Degenmen, eger baǵanyń ósýi baspananyń erekshe sıpattamalarymen negizdelse, erejeden tys jaıt dep qaralýy múmkin. Kerisinshe, eger jyljymaıtyn múlikte belgili bir kemshilikter bolsa, jaldaý aqysy anyqtamalyq baǵadan 20%-dan aspasa da, shamadan tys dep tanylýy múmkin.

Jalǵa alýshylar belgili bir merzimnen keıin jaldaý aqysyn qaıta qaraýdy talap ete alady: qysqa merzimdi shart jasasqandar úshinshi aıdan bastap nemese uzaq merzimdi sharttar jasasqandar tórtinshi aıdan bastap.

Bul protseste taraptar Jaldaý boıynsha deldaldyq komıssııasyna (CPL) keńes alý úshin júgine alady nemese isti halyqaralyq sot bere alady. Eger CPL deldaldyǵy nátıjesinde kelisimge qol jetkizilmese, halyqaralyq sot shamadan tys jaldaý aqysy týraly isti qarastyra alady.

Buǵan deıin Kazinform tilshisi elimizde nesıege alǵan páterdi jalǵa berýge bola ma degen saýalǵa jaýap izdep kórdi.