Brıýsselde 500 myńnan astam gúlden turatyn kilem tóseldi
ASTANA.KAZINFORM - Belgııa astanasynyń bas alańy Grand-Plasta dástúrli «gúl kilemin jaıý» aıaqtaldy, dep habarlaıdy Kazinform agenttiginiń Brıýsseldegi tilshisi.
Kilem 1680 sharshy metr aýmaqty alyp jatyr (70-te 24 metr) jáne georgın gúlderinen jasalǵan.
Uıymdastyrýshylardyń aıtýynsha, 500 myńnan astam gúl paıdalanylǵan.
Bıylǵy is-shara 13-16 tamyz aralyǵynda ótedi jáne Belgııa men Japonııa arasyndaǵy dıplomatııalyq qarym-qatynastyń 160 jyldyǵyna arnalǵan.
Sondyqtan, «2026 jylǵy kileminiń» dızaıny Katsýsıkı Hokýsaıanyń «Kanagavadaǵy uly tolqyn» kartınasynyń zamanaýı ınterpretatsııasy túrinde jasaldy. Jobany japon sýretshisi Hıro Sýgııama jáne onyń ujymy jasaǵan.
Kilemdi shamamen 120 erikti tósedi. Endi kórmeni alańnan tegin tamashalaýǵa bolady. Gúl kilemin bıińten kórý úshin qala ákimshiliginiń balkony ashyq.
Brıýssel gúl kilemi 1971 jyldan beri eki jyl saıyn ótkizilip keledi. Bul Eýropadaǵy eń tanymal sharalardyń biri. Grand-Plas ıÝNESKO-nyń Dúnıejúzilik mura tizimine engizilgen.
Buǵan deıin Ózbekstandaǵy gúl festıvali Gınnestiń rekordtar kitabyna engenin habarlaǵan edik.
