Brıýssel vaktsınalaý qarqyny boıynsha eldiń basqa óńirlerinen artta keledi

BRıÝSSELЬ. QazAqparat – 27 naýryzdan bastap Belgııa bıligi koronavırýspen kúres boıynsha karantın talaptaryn qaıtadan kúsheıtti. Mamandardyń pikirinshe, pandemııadan shyǵýdyń bir joly halyqty vaktsınalaý bolýy kerek, dep habarlaıdy QazAqparat menshikti tilshisi.

Qazirgi ýaqytta Brıýsselde COVID-19 vırýsyna qarsy vaktsınanyń alǵashqy dozasyn 88 400 adam aldy. Bul Belgııa astanasynyń eresek turǵyndarynyń tek 9,4%-yn quraıdy. Vaktsınalaý qarqyny boıynsha Brıýssel Flandrııa (12,6%) jáne Vallonııa (13,2%) aımaqtarynan da artta keledi.

Sonymen qatar, Brıýsselde qazirdiń ózinde medıtsınalyq mekemeler jáne qarttar úıiniń 35 myńǵa jýyq qyzmetkerine vaktsına egildi. Alǵashqy ınektsııany polıtsııa men órt sóndirýshiler aldy, olar vırýs juqtyrý qaýpi eń joǵary sala mamandaryn qorǵaý strategııasy aıasynda egildi.

Qazir Brıýssel turǵyndaryna vaktsına salýǵa 130 myń shaqyrtý jiberildi. Bul kezeńde medıtsınalyq mekemelerdiń, polıtsııa qyzmetkerlerin, sondaı-aq 67 jastan asqan barlyq adamdy vaktsınalaý jalǵasýda.

Senbide vaktsınalaý jónindegi maqsatty toptyń múshesi Sabına Storderdiń aıtýynsha, kezeńdik vaktsınatsııanyń belgııalyq baǵdarlamasy josparlanǵandaı alǵa jyljýda.

25 naýryzǵa deıin Belgııaǵa koronavırýstyń jańa shtamyna qarsy vaktsınanyń 2 mıllıonnan astam dozasy jetkizildi. Degenmen, barlyq jetkizýshi vaktsınany der ýaqytynda ákelip bere almaıdy. Mysaly, «AstraZeneca» kompanııasy Belgııaǵa osy jyldyń birinshi toqsanynda ýáde etken dozalardyń tek 25-30% -yn jetkizdi.

Belgııada farmatsevtıkalyq kompanııalar jaqyn arada Eýropada qosymsha óndiris oryndaryn ashady dep úmittenedi, óıtkeni Eýropalyq dári-dármek agenttigi (EMA) osy aptada osyndaı kásiporyndardyń qurylysyna ruqsat berdi. «Pfizer» óndirýshisinde Germanııada taǵy bir zaýyt, «AstraZeneca -nyń « Nıderlandyda jáne «Moderna -nyń « Shveıtsarııada zaýyty bolady.

Avtor: Arnur Rahymbekov