Brıýssel turǵyndary vaktsınalaýǵa onlaın jazyla alady

BRıÝSSELЬ. QazAqparat – Bir kúnniń ishinde 13 700 Brıýssel turǵyny vaktsınalaýǵa jańa onlaın-platforma arqyly jazyldy, dep habarlaıdy QazAqparattyń menshikti tilshisi.

«Bru-VAX» onlaın-júıesine tirkelý úshin turǵyndardyń ulttyq tirkeý nómiri men poshta ındeksi ǵana talap etiledi.

Budan buryn belgııalyq astana turǵyndary arnaıy kod jazylǵan konvertti poshta arqyly kútýi kerek bolatyn. Belgııalyqtardyń 12%-ynyń poshtalyq meken-jaıy joqtyǵyna baılanysty bul protsess jeńildetildi. Olar vaktsınalaýǵa shaqyratyn poshta konvertin ala almaıtyn edi.

Birinshi kúni 7 500 Brıýssel turǵyny vaktsınalaýǵa jazylyp, 51-55 jas aralyǵyndaǵy 6 200 azamat kútý tizimine tirkeldi.

Budan basqa tirkeý boıynsha kómek qajet etetin turǵyndar óz terapevtine júgine alady. Sonymen qatar vaktsınany úıde alýy tıis naýqastarǵa arnalǵan arnaıy tirkeý optsııasy bar.

Qazirgi kezde Belgııada vaktsınalaýǵa 1965 jyly jáne odan erte týǵan turǵyndar jiberilýde. 1970 jáne odan erte týǵan belgııalyqtar ázirge kútý tizimine jazyla alady.