Brıýssel turǵyndary koronavırýspen kúres sharalaryna qarsy shyqty

BRıÝSSELЬ. QazAqparat – Jeksenbi kúni Belgııa astanasynda jergilikti polıtsııa koronavırýspen kúres boıynsha sharalarǵa qarsy mıtıng ótkizbek bolǵandardy ustady, dep habarlaıdy QazAqparattyń menshikti tilshisi.

Bıliktiń tyıym salǵanyna qaramastan, jeksenbi kúni tańerteń Belgııanyń birneshe júz turǵyny el astanasynyń ortalyǵynda, sondaı-aq Brıýsseldiń kórikti jerleriniń biri «Atomıýmda» jınaldy.

Aktsııaǵa qatysýshylar arasynda Belgııanyń vallondyq jáne flamandııalyq fýtbol klýbtarynyń jankúıerleri boldy.

Zańsyz mıtıngti taratýǵa Brıýssel polıtsııasynyń kúshteri tartyldy. Nátıjesinde 488 adam qamaýǵa alyndy. Alaıda, ustalǵandardyń kópshiligi jergilikti ýaqyt boıynsha 15:00-den keıin bosatyldy.

Tártip saqshylary jekelegen narazylyq bildirýshilerden pyshaq jáne basqa da qaýipti quraldardy tárkilegeni týraly habarlady.

Qarsylyqty uıymdastyrýshylarǵa qatysty zańdy sharalar qabyldanbaq.

Foto: Dursun Aydemir/Anadolu Agency via Getty Images