Brıýssel ortalyǵynda atys boldy
Brıýsseldiń astanalyq aımaǵyndaǵy Iksel kommýnasy polıtsııasynyń dereginshe, sársenbi keshke Belgııa astanasynyń ortalyǵynda atys bolyp, tórt adam jaralandy, dep habarlaıdy Kazinform agenttiginiń menshikti tilshisi.
Jergilikti BAQ habarlaýynsha, atys jergilikti ýaqytpen 19:30-da Týazon d’Or 3 avenıýde bastalǵan. Jaralanǵandardyń biri “Toison d’Or” galereıasy janynan tabyldy, ekinshi adam “Apple Store” dúkeniniń janynda bolǵan, úshinshisi Rıý de Shevale kóshesinen tabyldy.
- 19:30 shamasynda bizge de la Týazon d’Or avenıýinde atys bolyp jatqany týraly aqparat tústi. Bizdiń qyzmetkerler birden oqıǵa ornyna attandy. Úsh adam jaralanǵan. Oqıǵa jelisi quryldy. Biz kelgende qylmyskerler jasyrynyp úlgergen bolatyn. Oqıǵa ornynda birneshe jedel járdem kóligi jumys istep jatyr. Biz tergeý júrgizýdemiz, - dedi Brıýssel polıtsııasynyń ókili Ilza Van de Kır.
Aldyn ala derekter boıynsha, bul - lańkestik áreket emes, jergilikti toptar, onyń ishinde esirtki saýdasymen aınalysatyndar arasyndaǵy janjal bolýy múmkin, dep jazdy belgııalyq BAQ.
Iksel kommýnasynyń meri Hrıstos Dýlkerıdıs da oqıǵa ornynda bolyp, jýrnalısterge bul jergilikti esirtkimen baılanysy bar toptardyń arasyndaǵy esep aıyrysýǵa uqsaıtynyn rastady.
