Brıýssel meıramhanasynda jaramdylyq merzimi ótip ketken azyq-túlikten taǵamdar daıarlaıdy
ASTANA. QazAqparat - Brıýsseldegi AUB-SVP meıramhanasy 9 naýryzda alǵash ret óz klıentterine jaramdylyq merzimi ótip ketken azyq-túlikten jasalǵan taǵamdardy usynady.
Meıramhanadaǵylar bul aktsııa arqyly azyq-túlik satatyn saýda jelileriniń ıelerin jaramdylyq merzimi ótip ketken azyq-túlikti laqtyrmaı, olardy qaıyrymdylyq uıymdaryna jiberý nıetin oıatqysy kelip otyr.
Belgııada iri jelilik dúkender satylmaı qalǵan azyq-túliktiń onyń jaramdylyq merzimi ótip ketpegeni jáne áli de paıdalanýǵa jaramdy bolǵanyna qaramastan, bir bóligin qoqysqa laqtyrady. Jyl saıyn belgııalyq dúkender 660 tonnaǵa deıin satylmaǵan azyq-túlikti laqtyryp jiberedi, bul rette elde 200 myńǵa jýyq adamnyń únemi tamaqtanýǵa múmkindigi joq bolyp otyr, dep jazady RIA Novostı.
