Brıýssel men Parıjdegi teraktiler kezinde qurban bolǵandardyń jaqyndary Twitter-ge shaǵymdandy

ASTANA. QazAqparat - Brıýssel men Parıjde bolǵan terakt kezinde mert bolǵandardyń jaqyndary men týystary AQSh-ta «Tvıtter» jelisine qatysty shaǵym túsirdi, dep habarlaıdy Laıf.rý RTBF-ke silteme jasap.

Ózderiniń shaǵymdarynda marqumdardyń týystary saıt ókilderiniń terrorısterdiń aqparattardy taratýyna kedergi keltirý úshin qajetti deńgeıde sharalardy qoldanyp otyrmaǵandyǵyn aıtady. Marqumdardyń týystarynyń sózderinshe, osy arqyly saıt AQSh-tyń terrorızmge qarsy zańnamasyn buzyp otyr. Shaǵym ıeleri ótemaqy tóleýdi talap etti.

Shaǵym-aryzdy Nıý-Iorkte 2016 jyldyń 22 naýryzy kúni Brıýssel áýejaıynda bolǵan terakt kezinde kóz jumǵan Aleksandr Pınkzovskııdiń jaqyny men 2015 jyldyń 13 qarashasy kúni Parıjde bolǵan terakt kezinde qurban bolǵan Noemı Gonsalestiń týystary berip otyr.

Aıta keteıik, 2015 jyldyń 13 qarashasy kúni Parıjde jáne onyń mańyndaǵy Sen-Denı qalasynda birneshe terakt bolǵan edi. Onyń qurbandarynyń sany 130-ǵa jetti.

2016 jyldyń 22 naýryzy kúni Brıýssel áýejaıynda eki jarylys bolyp, 14 adam mert boldy.