Brıýssel marafonyna 140 ulttan 40 myńnan astam adam qatysady
BRıÝSSELЬ. QazAqparat - Belgııa astanasynda jyl saıynǵy «Brıýsseldiń 20 shaqyrymy» atty sporttyq shara jeksenbi kúni ótedi, dep habarlaıdy QazAqparat tilshisi.
Brıýssel kósheleriniń kóp bóligi 43-shi ret 20 shaqyrymdyq qashyqtyqty baǵyndyratyn júgirýshilerge, jaıaý júrginshilerge toldy.
Uıymdastyrýshylardyń aıtýynsha, bıyl baıqaýǵa 40 myńnan astam qatysýshy tirkelgen. Onyń ishinde 33 myńnan astam júırik, 5,6 myń jaıaý jáne 1,2 myń múmkindigi shekteýli jandar bar.
Sporttyq sharanyń bastalýy birneshe kezeńge bólinedi. Alǵashqy startty Belgııanyń premer-mınıstri Aleksandr de Krý bastaıdy. Sportshylardyń ekinshi partııasyn qala meri Fılıpp Kloýs qashyqtyqqa «baǵyttaıdy». Úshinshi start Eýroparlamentke arnalady jáne Eýroparlament tóraǵasy Roberta Metsola bastaýǵa belgi beredi.
