02:20, 17 Aqpan 2025 | GMT +5
Brıýssel mańynda taǵy atys boldy: qaza tapqandar bar
ASTANA. KAZINFORM — Belgııanyń Anderleht aýdanynda bolǵan atys saldarynan 19 jastaǵy jas jigit qaza tapty, dep habarlaıdy Euronews.
Qylmyskerler kólikpen qashyp ketken, olardy izdeý jumystary belsendi júrgizilip jatyr. Beınebaqylaý kamerasyna keminde bir qarýlanǵan adam túsip qalǵan. Brıýssel prokýratýrasy tergeý múddesi úshin «qosymsha túsinikteme bermeıtinin» málimdedi.
Oqıǵa «Klemanso» metro stantsııasyna jaqyn mańda bolǵan. Bul osy aýdanda eki apta ishinde bolǵan úshinshi atys oqıǵasy. Saldarynan bir adam qaza taýyp, taǵy úsheýi jaraqat aldy.
Birneshe kún buryn Brıýssel prokýrory sońǵy atystardyń sebepteri esirtki saýdasymen aınalysatyn qylmystyq toptar arasyndaǵy yqpal úshin kúres ekenin málimdedi.